सिक्किममा टेलिकम सेवामा नेपाली भाषा अनिवार्य

गान्तोक, ३ सेप्टेम्बर: भारत सरकारको सञ्चार मन्त्रालयअन्तर्गत टेलिकम विभागले सिक्किम राज्यमा सबै टेलिकम सेवा प्रदायकहरूलाई आफ्ना सेवामा अबदेखि नेपाली भाषा अनिवार्य रूपमा समावेश गर्न निर्देशन दिएको छ।

विभागले जारी गरेको आधिकारिक मेमोरेन्डम अनुसार, अब सिक्किममा सञ्चालन हुने सबै टेलिकम सेवामा इन्टरएक्टिभ भ्वाइस रेस्पोन्स सिस्टम (IVRS) सन्देश, एसएमएस तथा कल सेन्टर सेवा नेपाली भाषामा पनि उपलब्ध गराउनु पर्नेछ।

यसका लागि सबै लाइसेन्स प्राप्त कम्पनीहरूले तुरुन्तै आवश्यक कदम चाल्नुपर्ने र ३० दिनभित्र सम्बन्धित एलएसए कार्यालयमा अनुपालन प्रतिवेदन बुझाउनुपर्ने उल्लेख गरिएको छ।

परिचय

N.B. Ghimirey

एनबी घिमिरे सिक्किम जनखबरका संस्थापक सम्पादक हुन्। उनले २०२४-को जनवरीदेखि सिक्किममा आधारित यस डिजिटल मिडिया प्लेटफर्मलाई सञ्चालन गर्दै आइरहेका छन्। सिक्किम जनखबर सिक्किमको पहिलो पूर्ण सञ्चालित नेपाली न्युज पोर्टल हो। यसको समानान्तर अङ्ग्रेजी वेबसाइट पनि छ।

एनबी घिमिरेले यस अघि पनि विभिन्न मिडिया हाउससँग सम्बन्धित रहेर काम गरिसकेका छन्।

See author's posts