कविता – गाउँको राजनीति – विश्वजीत बाँस्कोटा

गाउँको राजनीति 

गाउँले सुरुसुरुमा
गाउँमा समाज जन्माउँछ

त्यसपछि
मन्दिर भित्र्याउँछ
गुम्बा भित्र्याउँछ
गिर्जा भित्र्याउँछ
मस्जिद भित्र्याउँछ

त्यसपछि
गाउँमा बेला बेला
कट्टर जातिवादको हावा चल्छ
र युद्ध हुन्छ
उसैले जन्माएको
उसैले भित्र्याएको
एउटा विचार र भावनाबिच

अहिले
बेला बेला बोल्छ गाउँ
र भन्छ
मानवताभन्दा ठूलो अर्को कुनै धर्मै छैन।

परिचय

SJ Sahitya

सिक्किम जनखबरको साहित्यिक पृष्ठमा विभिन्न लेखक, कवि, साहित्यकारका रचनाहरू प्रकाशित गरिन्छ।

See author's posts